Wednesday, September 17, 2008

ഒറീസ്സയും രോഗശാ‍ന്തി ശുശ്രൂഷയും ഇതിലെ പോകു

സാജൻ മാഷിന്റെ ചിന്തകൾ

സാജൻ മാഷിന്റെ പോസ്റ്റ് വായിച്ചു, പിന്നെ അതിനുള്ള മറുപടി അല്ലങ്കിൽ എന്റെ അഭിപ്രായം ഞാൻ അവിടെ പോസ്റ്റാം എന്നു കരുതുന്നു, അൽ‌പ്പം ദീർഘമായതിനാൽ ഇവിടെയും അതിന്റെ ഒരു കോപ്പി പേസ്റ്റുന്നു.

സാജൻ സാറിന്,
ഏകജാലകത്തെകുറിച്ച് അത്ര ആധികാരികവിവരം ഒന്നും എനിക്കില്ല അതുകൊണ്ടുതന്നെ ഞാൻ അതിൽ “അധിക“ പ്രസംഗം നടത്തുന്നില്ല. പിന്നെ സഭയ്ക്ക് ഇതിൽ സാമ്പത്തിക നേട്ടമില്ല എന്നൊക്കെ മാഷ് പറയുന്നതിൽ കാര്യമുണ്ടായിരിക്കും, പക്ഷെ സഭയുടെ വക്താക്കൾ പറഞ്ഞഒരു കാര്യമുണ്ട് ഒരുകുട്ടിക്ക് മാനേജ്മെന്റിന് സ്വന്തം നിലയിൽ അഡ്മിഷൻ നൽകാൻ കഴിയാത്ത സ്ഥിതിവിശേഷം ഇതുമൂലം ഉണ്ടാകുന്നു, മുതൽമുടക്ക് നടത്തുന്നവർക്ക് (സ്വന്തം നിലയിൽ അഡ്മിഷൻ ) അതിനുള്ള അവകാശമില്ലാതാവുന്ന അത്തരം നീക്കത്തെ അംഗീകരിക്കാൻ ആവില്ല. ഇതുതന്നെ ആയിരുന്നു അന്നും ഇന്നും സഭയുടെ നിലപാട്.
സര്‍ക്കാര്‍ നിലപാടുകളെ അട്ടിമറിക്കാന്‍ ശ്രമിക്കുന്നു എന്ന പേരുദോഷം വാങ്ങി വച്ചു മാഷ് മേല്പറഞ്ഞ വരി കളിലെ പ്രശ്നം, അതിനെ കർമ്മഫലം എന്നല്ലെ പറയാൻ പറ്റു.

പിന്നെ മാഷിന്റെ നിലപാട്
ഉന്നതവിദ്യാഭ്യാസത്തിന് ചേരുമെങ്കിൽ താഴെത്തട്ടിലും അത് ചേരണമല്ലോ. പിന്നെ പ്രശ്നങ്ങൾ അത് ദുരികരിക്കേണ്ടത് സർക്കാരാണ്, അതിന്റെ ധാർമ്മിക ഉത്തരവാദിത്വം ശ്രീ ബേബി സാർ ഏറ്റെടുക്കണം ഒപ്പം ഈ വകുപ്പിലെ ഉദ്യോഗസ്ഥരെ കാര്യ ക്ഷമയോടെ ജോലിചെയ്യാൻ പ്രേരിപ്പിക്കുക, കർശനമായിതന്നെ അതിന് വേണ്ട നിർദ്ദേശങ്ങൾ കൊടുക്കുക. പിന്നെ മാഷിന്റെ “ സർക്കാർ സഹായം” എന്ന പരിഹാസ തലക്കെട്ടിന്റെ കീഴിലുള്ള കാര്യങ്ങൾക്ക് ബേബിച്ചൻ മറുപടി പറഞ്ഞത് സാങ്കേതികം എന്നാണ് ഈ സാങ്കേതിക പ്രശ്നങ്ങളെ മുൻ‌കൂട്ടി കാണാൻ ആ വകുപ്പിന് കഴിയണം കഴിഞ്ഞേ പറ്റു.
പിന്നെ ആത്മഹത്യ അതിന് ശരിക്കും ചികിത്സ ആവശ്യമാണ് മരിച്ചവർക്കല്ല ജീവിച്ചിരിക്കുന്നവർക്ക്, കേരളത്തിൽ മൊത്തം പടർന്നു പിടിച്ചിരിക്കുന്ന ഒരു ഗുരുതര രോഗമാണ്, ഓണപരിക്ഷയ്ക്ക് മാർക്ക് കുറഞ്ഞതിന് അദ്ധ്യാപകന്റെ ശകാരമേറ്റട്ടി ആത്മ്ഹത്യചെയ്തു ഇതുകൊണ്ട്, നമുക്ക് പരീക്ഷ വേണ്ടന്നു വയ്ക്കണം എന്നാണോ മാഷ് പറയുന്നത്. ശരിക്കുള്ള രോഗം കണ്ടുപിടിച്ച് അതിന് ചികിത്സിക്കുകയാണ് വേണ്ടത്, അദ്ധ്യാപകർക്കും ഒപ്പം വിദ്യാർത്ഥികൾക്കും വേണ്ടിവന്നാൽ സമൂഹത്തിനും.

മാഷിന്റെ നിലപാട്‌ (എന്റെ നിലപാട്...)
മാഷിന്റെ വ്യക്തിപരമായ അഭിപ്രായങ്ങൾ കണ്ടു അതിൽ ഒന്നിനോട്‌ പോലും യോജിക്കാൻ കഴിയുന്നില്ല.
1. സര്‍ക്കാര്‍ കോളേജിലെ അദ്ധ്യാപക ഒഴിവുകള്‍ ശൂന്യമാണെങ്കില്‍ !
അതുമായി ഇതിനെന്തു ബന്ധം. ? കോളേജുകൾ എന്നതിന് പകരം വിദ്യാഭ്യാസ സ്ഥാപനങ്ങൾ എന്ന് പറയുന്നതായിരിക്കും ഉത്തമം എന്ന് കരുതുന്നു. സ്കൂളുകൾ അടച്ചുപൂട്ടേണ്ട സാഹചര്യം ഇന്ന് നിലനിൽക്കുന്നുണ്ട് എന്ന് സാജൻ മാഷിന് അറിയാവുന്ന കാര്യം ആണ് എന്ന് വിചാരിക്കുന്നു വലിയ സത്യങ്ങൾ മൂടിവച്ച് അത് അറിയില്ല എന്ന് സംസാരിക്കുന്നത് ശരിയായ പ്രവണതയല്ല. ക്രൈസ്തവ മാനേജുമെന്റുകൾ അനധികൃതമായി നടത്തുന്ന സ്കൂളുകൾ കാരണം ഇതേ മാനേജ് മെന്റിന്റെ മറ്റൊരു സ്കൂൾ വിദ്യാർത്ഥികളെ കിട്ടാതെ നട്ടംതിരിയുന്ന കഥ നമ്മുടെ ഒരു പ്രമുഖ ചാനൽ വാർത്തയിൽ കാണിച്ചു കോടാലിക്ക് പാര കോടാലി കൈ ആണെങ്കിൽ ഈ രണ്ടൂംകൂടെ ചേർന്നാൽ പാവം ഉണക്ക മരത്തിന്റെ കഥ എന്താവും, സർക്കാർ കോളേജുകളിൽ ചിലപ്പോൾ ഒഴിവ് ഉണ്ടാകാം എന്നാൽ അധികകാലം അത് അങ്ങനെ തുടരാൻ ആവില്ല എന്ന് കരുതുന്നു ( SFI, KSU, ABVP പിന്നെ എണ്ണിയാൽ തീരാത്ത കേരളാകോൺഗ്രസ്സിന്റെ ചിന്ന പടകളും ഉള്ള കാലം വിടവ് കിടക്കും എന്ന് വിചാരിക്കുക സാധ്യമല്ല) കൃത്യമായ കണക്ക് എനിക്ക് അറിയാത്തതിനാൽ, കണക്കുകൾ നിരത്തി വാദിക്കുന്നില്ല. അപ്പോൾ മാഷിന്റെ അദ്യത്തെ ഉപാധി പിൻ‌വലിച്ചു എന്ന് കരുതുന്നു.
2. സര്‍ക്കാര്‍ ഒഴിവിലേക്ക് അവശ്യം വേണ്ടുന്ന അദ്ധ്യാപകരെ PSC വഴി നിയമിച്ചിട്ടും ബാക്കി ഉദ്യോഗാര്‍ത്ഥികള്‍ ഉണ്ടെങ്കില്‍.
കേരളത്തിലെ മുഴുവൻ വിദ്യാഭ്യാസ സ്ഥാപനങ്ങളിലേയ്ക്ക് എടുത്താലും പിന്നെയും ബാക്കി (എത്ര എന്ന കൃത്യമായകണക്ക് കൈവശമില്ലാത്തതിനാൽ പോസ്റ്റുന്നില്ല). P.S.C റാങ്ക് ലിസ്റ്റ് ഒന്ന് പരിശോദിക്കുക. P.S.C വഴി സർക്കാർ വിദ്യാഭ്യാസ സ്ഥാപനങ്ങളിലേയ്ക്ക് നിയമനം നടത്തിയിട്ടും പിന്നെയും ഉദ്യോഗാര്‍ത്ഥികള്‍ ഉള്ളതിനാൽ ആണ് P.S.C വഴി നിയമനം നടത്താൻ സർക്കാർ ഉദ്ദേശിക്കുന്നത് എന്ന തെറ്റായ വീക്ഷണം മാഷിനുള്ള പോലെ തോന്നുന്നു, അതും ഒരുകാരണം തന്നെ അതിലും വലിയ ഒരു കാര്യം ഇതിന് പിന്നിൽ ഉണ്ട്. വലിയ സാമ്പത്തിക അഴിമതിതന്നെ കൂടാതെ സാമൂഹ്യ നീതി ഇല്ലാതെവരുകയും ചെയ്യുന്നു, സർക്കാർ ( ഇവിടുത്തെ പിച്ചക്കാരന്മുതൽ ഏയ്‌റോനോട്ടിക്ക് എഞ്ചിനീയർ വരെ ഉള്ളവർ ഇവരുടെ പ്രതിനിധികൾ ആണല്ലോ സർക്കാർ എന്ന എന്ത്രത്തിന്റെ പ്രധാന ഭാഗങ്ങൾ) ശമ്പളം നൽകുന്ന വിദ്യാഭ്യാസ സ്ഥാപനങ്ങളിലേയ്ക്ക് സർക്കാർ തന്നെ ആളെ നിയമിക്കട്ടെ അതല്ലെ മാഷെ അതിന്റെ ശരി. കൃസ്ത്യൻ മാനേജ്മെന്റ് സ്കൂളുകളിൽ അദ്യാപക നിയമനം കിട്ടാൻ 8മുതൽ 10 ലക്ഷം വരെ സംഭാവന ആവശ്യപ്പെടാറുണ്ട്, പിന്നെ +2 ലെവെൽ 10 മുതൽ 15 ലക്ഷം വരെ കോളേജ് തലത്തിൽ 15ൽ നിന്നും തുടങ്ങുന്നു, ഇത് മാഷിന് അറിയില്ല എന്നാണ് പറയുന്നതെങ്കിൽ മാഷിന്റെ നാഷണാലിറ്റി വത്തിക്കാനിൽ ആണ് എന്ന് കരുതേണ്ടി വരും മറ്റ് മതങ്ങളുടെ ലേബലിൽ ഉള്ള വിദ്യാഭ്യാസ സ്ഥാപനങ്ങളിലും ഇതുതന്നെ സ്ഥിതി, തുകയിൽ അല്പം ഏറ്റകുറച്ചിൽ കാണാം എന്നു മാത്രം. (ഇത്തരം ദുർഗന്ധം വമിക്കുന്ന നിരവധി സംഭവങ്ങൾ എനിക്ക്‌ വ്യക്തിപരമായി അറിയാം വീഡിയോ ദൃശ്യങ്ങളോ ടെലിഫോൺ സംഭാഷണങ്ങളോ ഇല്ല അതായത് തെളിവില്ല എന്നു ചുരുക്കം)
മാഷൊന്ന് ആലോചിച്ചെ, 8 മുതൽ 15 ലക്ഷം വരെ രൂപ കൊടുത്ത് ഒരു ജോലി സമ്പാദിക്കാൻ മാത്രം പാങ്ങുള്ളവർ, അല്ലെങ്കിൽ ശേഷി ഉള്ളവർ ആരാണ് ഈ സമൂഹത്തിൽ ഉള്ളത്, കൃസ്ത്യാനി സമൂഹത്തെ എടുത്താലും അതിലെ വരേണ്യവർഗ്ഗത്തിന്റെ മാത്രം അവകാശമായി മാത്രം അവസാനിക്കും ആ സാമൂഹ്യനീതി. കഷ്ടപ്പെട്ട് പഠിച്ച കഴിവുള്ള ദരിദ്രൻ പിൻ‌തള്ളപ്പെടും, ഇനീ ഇതിലെ മറ്റൊരുകാര്യം, അനർഹർ (വിദ്യാഭ്യാസ നിലവാരത്തിൽ) ധാരാളം ഇത്തരം നിയമനത്തിലൂടെ കടന്നുകൂടിയിട്ടുണ്ട്, ചെറിയ ക്ലാസ്സിലെ കുട്ടിയെ പഠിപ്പിക്കാൻ അത്ര അറിവുള്ളവർ ആവശ്യമില്ല എന്ന തലതിരിഞ്ഞ കാഴ്ച്ചപ്പാട് ഈ മാനെജ്മെന്റ്കൾക്ക് ഉണ്ട് എന്ന് കരുതേണ്ടിയിരിക്കുന്നു. കുട്ടികളുടെ തലച്ചോറിന്റെ കാര്യക്ഷമതെയെ ഉയർത്തേണ്ട കാ‍ലമാണ് ചെറുപ്രായം, അശാസ്ത്രീയമായ സമീപനം മൂലം ഈ കുരുന്നുകളുടേ തൽച്ചോറിന്റെ വികാസം ( അതിലെ സെല്ലുകൾ വികസിക്കാതെ മുരടിക്കുന്നു) പൂർണ്ണതോതിൽ വളർത്തുവാൻ കഴിയാറില്ല. ഇംഗ്ലീഷ് ശരിയായികൂട്ടി വായിക്കാനറിയാത്ത ഒരു വ്യക്തി 3വർഷം കൊണ്ട് എസ്.എസ്.എൽ.സി പാസ്സായി, പിന്നെ സംസ്കൃതം പഠിച്ച് സഭയുടെ സ്കൂളിൽ പലവിഷയങ്ങളും (ഇംഗ്ലീഷ്, ഹിന്ദി,കണക്ക് തുടങ്ങിയവ) പഠിപ്പിക്കുന്ന അദ്ധ്യാപകനായി കഴിഞ്ഞ പത്തുകൊല്ലമായി ജോലി നോക്കുന്നു ഇത്തരം ചില അദ്ധ്യാപകരെ എനിക്കറിയാം അവരെല്ലാം തെന്നെ കത്തോലിക്ക സമുദായക്കാർ ആണ് ഇതും ഒരുതരം അഴിമതി അല്ലെ മാഷെ.
റാങ്ക് ലിസ്റ്റിലുള്ള ക്രൈസ്തവർക്ക് മുൻ‌ഗണന കൊടുക്കണം എന്ന് പറഞ്ഞാൽ മനസ്സിലാകും, ഇതിനെ ( PSC വഴി ) ഞങ്ങൾ അംഗീകരിക്കില്ല എന്നു പറയുന്നത് ധിക്കാര പരമായ കാര്യമല്ലെ. ഞങ്ങൾ വൻ‌മുതൽ മുടക്കി ആണ് ഈ വിദ്യാഭ്യാസ സ്ഥാപനങ്ങൾ പടുത്തുയർത്തിയത് അത് അങ്ങനെ സർക്കാരിന് വിട്ടുകൊടുക്കാൻ സാധ്യമല്ല തുടങ്ങിയ ആദർശമില്ലാത്ത പ്രഭാഷണങ്ങൾ ആണ് സാജൻ മാഷ് സപ്പോർട്ട് ചെയ്യുന്നവരുടെ ഭാഗത്തുനിന്നും ഉണ്ടായിരിക്കുന്നത്. വിദ്യാഭ്യാസ സ്ഥാപനങ്ങൾ നേടിയെടുക്കുന്ന സമയത്ത് സഭ ഉയർത്തികാട്ടിയ കാര്യം ഇത് സഭയുടെ സാമൂഹ്യസേവനത്തിന്റെ പരമ്പരാഗത മാർഗ്ഗം എന്നാണ് ( വിദ്യാഭ്യസവും ആദുര സേവയും ) സാമൂഹ്യസേവനമാണെങ്കിൽ പിന്നെ നിയമനങ്ങളുടെ കാര്യത്തിൽ എന്തിന് ശഠിക്കണം, സാമൂഹ്യസേവനത്തിനുള്ള എല്ലാ സാഹചര്യങ്ങളും കാലകാലമായി വന്ന സർക്കാരുകൾ ചെയ്ത് തരുന്നുണ്ടല്ലോ അപ്പോൾ പ്രശ്നം സേവനമല്ല, പ്രതിഭലേഛയോടുകൂടിയ പ്രവർത്തിയാണ്. ഇതിനെ പൂർണ്ണമായും സാമൂഹ്യസേവനമായി കാണാൻ പറ്റുമോ ? വരുമാനം പ്രധാന ലക്ഷ്യങ്ങളിൽ ഒന്നാക്കികൊണ്ടുള്ള പ്രവർത്തനം എന്ന് വിലയിരുത്താനെ കഴിയു.

3. കോഴയാണ് പ്രശ്നമെങ്കില്‍ അതിനെ എല്ലാ മേഖലകളില്‍ നിന്നും ഇല്ലാതാക്കണമെന്ന് ആത്ഥമാര്‍ത്ഥമായി ശ്രമിക്കുന്നുവെങ്കില്‍ സ്വന്തം തൊഴിലാളി യൂണിയനില്‍ ചേരാന്‍ ഒന്നര മുതല്‍ മൂന്നു ലക്ഷം കോഴ വാങ്ങുന്നത് ആദ്യം അവസാനിപ്പിച്ചിട്ട് ഈ പ്രശ്നത്തില്‍ ഇടപ്പെടുക.
ഈ പ്രശ്നം കമ്മ്യൂണിസ്റ്റ് പാർട്ടിയുടെ രാഷ്ട്രീയ പ്രശ്നമല്ല, നേരെ മറിച്ച് കേരളത്തിലെ ജനങ്ങളുടെ ( മതങ്ങളെ അടിസ്ഥാനമാക്കി കാണരുത്) പ്രശ്നമാണ്, അയല്പക്കകാരൻ അച്ഛനെ തല്ലി അതുകൊണ്ടാണ് ഞാനും തല്ലുന്നത് എന്ന്പറയുന്നപോലെയെ ഈ ചോദ്യത്തെ അല്ലങ്കിൽ ഈ ഉപാധിയെ കാണാൻ പറ്റു. അഴിമതി ഇല്ലാതാക്കേണ്ടത് ഇവിടുത്തെ ഓരോ പൌരന്റേയും ഉത്തരവാദിത്വമാണ് അഴിമതി വളരുന്നതിൽ ഞനും നിങ്ങളുമൊക്കെ തുല്ല്യ പങ്കാളികൾ ആണ്. അതിൽ നിന്നും മാറിനിൽക്കാൻ നമുക്കാർക്കും സാധിക്കില്ല. യൂണിയനിൽ അംഗത്വം നൽകാൻ പാർട്ടികൾ മത്സരിക്കുമ്പോൾ കമ്മ്യൂണിസ്റ്റ് പാർട്ടിയുടെ അംഗത്വത്തിന് 3ലക്ഷം കൈക്കൂലി കൊടുക്കണോ , അത് ഏത് വകുപ്പാ മാഷെ., ( ചെത്തു തൊഴിലാളി യൂണിയൻ ആണോ?) അങ്ങനെ എങ്കിൽ അതിന്റെ ഡീറ്റയിത്സ് ഒന്നു തരാമോ അല്ലങ്കിൽ അങ്ങനെ ആരെങ്കിലും കൊടുത്തെങ്കിൽ ആർക്ക്, എന്തിന് എന്നകാര്യം ഒന്നു വ്യക്തമാക്കാമോ, നമുക്ക് എന്തെങ്കിലും ചെയ്യാൻ പറ്റുമോ എന്ന് നോക്കാം. പാർട്ടി അങ്ങനെ ചെയ്താൽ അത് ഒരിക്കലും ഒരു പാർട്ടി അനുഭാവിയും പ്രവർത്തകനും അംഗീകരിക്കില്ല, അങ്ങനെ ആണെങ്കിൽ പിന്നെ കോൺഗ്രസ്സും ഇവരുമായി എന്താണ് വെത്യാസം ?!
പിന്നെ ഇന്ത്യൻ ഭരണഘടന നൽകുന്ന അവകാശം (ന്യൂനപക്ഷ അവകാശം) ഭരണ ഘടന അങ്ങനെ പലതും പറയുന്നുണ്ട് അതൊക്കെ സഭ പാലിക്കുന്നുണ്ടോ ? ന്യൂനപക്ഷങ്ങളുടെ അവകാശം സംരക്ഷിക്കുക എന്നാൽ ഭൂരിപക്ഷത്തിന്റെ അവകാശം ലംഘിക്കുക എന്ന് വിവക്ഷിക്കേണ്ട. അതൊക്കെ പിന്നീടൊരവസരത്തിൽ നമുക്ക് വിശകലനം ചെയ്യാം

4. സര്‍ക്കാര്‍ കോളേജുകളിലെ PSC നിയമനം കാരണം അതിന്റെ നിലവാരം പ്രൈവറ്റ് കേളേജുകളില്‍ നിന്നും ഉയര്‍ന്നതാണെന്ന് തെളിയിക്കണം.
അത് തെളിക്കപ്പെട്ടതല്ലെ ഇനി എന്ത് തെളിയിക്കാൻ, PSC ലിസ്റ്റും അതിലെ ഉദ്യോഗാർത്ഥികളുടെ ഡീറ്റയിൽത്സും പരിശോധിച്ചാൽ മനസ്സിലാക്കാൻ കഴിയും

സര്‍ക്കാര്‍ വക സഹായം
1. സര്‍ക്കാര്‍ മെഡിക്കല്‍ കോളേജിലെ ഫീസ് 12000 ല്‍ നിന്ന് 25000 ആക്കി വര്‍ദ്ധിപ്പിച്ച് ഒന്നാമത്തെ സഹായം
തീർച്ചയായും മാഷിന്റെ സഹായം എന്ന പരിഹാസത്തിൽ ഞാനും പങ്കുചേരുന്നു, 12000 തന്നെ ആയി നില നിർത്താമായിരുന്നു അല്ലെങ്കിൽ വരുമാനത്തിന്റെ അടിസ്ഥാനത്തിൽ ( ഇത് പ്രായോഗികമാണോ എന്ന് എനിക്കറിയില്ല) അർഹർ ആയവർക്ക് 13000 രൂപ സ്കോളർഷിപ്പ് നലകണമായിരുന്നു
2. സര്‍ക്കാരുമായി കരാറിലുള്ള സ്വാശ്രയ കോളേജിലെ ഫീസ്.
a. 50% സര്‍ക്കാര്‍ സീറ്റില്‍ 2.70 ലക്ഷം
b. 35% മാനേജ്മെന് സീറ്റില്‍ 4.75 ലക്ഷം (5 ലക്ഷം തലവരി പണം പലിശയില്ലാതെ)
പൂർണ്ണമായും സൌജന്യമായി പടിപ്പിക്കാൻ കഴിയില്ലല്ലോ, പുഷ്പ്പഗിരി മെഡിക്കൽ കോളേജ് സമർപ്പിച്ച മഡിക്കൽ വിദ്യാഭ്യാസ ചിലവ് ഒന്നുശ്രദ്ധിക്കുക. പണം ഉള്ളവർ ( തമിഷ് നാട്ടിലും , ആന്ത്രയിലും, കർണാടകയിലും മറ്റും മാനേജ്മെന്റ് സീറ്റിൽ വാങ്ങുന്ന ഫീസ്, സർക്കാർ സീറ്റിൽ വാങ്ങുന്ന ഫീസ് ഇവ ഒന്നു താരതംയം ചെയ്യുക) കൂടുതൽ കൊടുത്ത് പഠിക്കട്ടെ, ഉള്ളവൻ ഇല്ലാത്തവനു കൊടുക്കു എന്നല്ലെ കർത്താവ തമ്പുരാൻ പഠിപ്പിച്ചത്. അദ്ദേഹം പറഞ്ഞതിൽ ഏതെങ്കിലുമൊക്കെ ചെയ്യ് മാഷെ, പിന്നെ തലവരി പണം വാങ്ങാതിരിക്കാൻ സഭ വിശുദ്ധന്മാരുടെ കൂട്ടായ്മ അല്ലല്ലോ?.........(മനുഷ്യനല്ലെ എല്ലാ സ്വഭാവക്കാരും ഉണ്ടായിരിക്കും എന്ന അർത്ഥത്തിൽ കാണുക)

c. 15% NRI സീറ്റില്‍ 9 ലക്ഷം (ഓര്‍മ്മ ശരിയാണെങ്കില്‍)

15% NRI സീറ്റിൽ 9 ലക്ഷം എന്നത് കേട്ട് മാഷെന്തിനാ വിളറിപിടിക്കുന്നത്, നമ്മളെപോലുള്ള ദരിദ്രരായ NRI ക്കരെ അല്ല ഇതിൽ വിവക്ഷിക്കുന്നത്, അത് കൊടുക്കാൻ ആസ്തിഉള്ളവർ, അവരുടെ മന്ദബുദ്ധികളായ മക്കൾക്കായി നീക്കിവച്ചിരിക്കുന്നത്, ഇങ്ങനെ പറയാൻ കാരണം ഇവരുടെ മക്കൾക്ക് മാർക്ക് ഉണ്ടെങ്കിൽ അവർക്ക് മെറിറ്റ് സീറ്റിൽ 4.7 ൽക്ഷം കൊടുത്ത് അഡ്മിഷൻ വാങ്ങാമല്ലോ പിന്നെ അതിനെ ഓർത്ത് വിഷമിക്കേണ്ട.

d. പരീക്ഷ : സ്വന്തം ഇഷ്ടത്തിനു നടത്താം.
ഭരിക്കുന്നത് ഇടത്പക്ഷമായതുകൊണ്ട് അങ്ങനെ വരും എന്ന് ഞാൻ കരുതുന്നില്ല. കൂടാതെ SFI, KSU, ABVP പിന്നെ എണ്ണിയാൽ തീരാത്ത കേരളാകോൺഗ്രസ്സിന്റെ ചിന്ന പടകളും ഉള്ള കാലം മാഷ് പറയുന്ന പോലെ കാര്യങ്ങൾ നടക്കുമോ, ആരെങ്കിലും ഇടപെടില്ലെ. അതോർത്തും വിഷമിക്കേണ്ട.

കത്തോലിക്ക സഭ വക കച്ചവടം
a. എല്ലാ സീറ്റിനും ഒരേ ഫീസ്... 3.5 ലക്ഷം
ഇതിലൂടെ ക്രൈസ്തവരായ ദരിദ്രർക്ക് എത്ര പേർക്ക് പഠിക്കാനാവും ? ഇതിൽ പ്രതികരിക്കുമ്പോൾ ആത്മാർത്ഥതയോടെ എഴുതുക, അത് സഭയ്ക്ക്വേണ്ടിയുള്ള കുഴലൂത്ത് ആകരുതു്. കൂടാതെ ഈ സമൂഹത്തിൽ ജീവിക്കുന്ന പാവപ്പെട്ട വിദ്യാർത്ഥികൾക്ക് എത്ര പേർക്ക് ഈ ഫീസ് താങ്ങാനാവും ( അങ്ങനെ ഉള്ളവർ മാത്രം പഠിച്ചാൽ മതി എന്ന തത്വം അവിടെ നിൽക്കട്ടെ, കത്തോലിക്ക സഭയുടെ കച്ചവടത്തിൽ 100% ഉം 3.5ലക്ഷം തന്നെ ആദ്യത്തെകൂട്ടരുടെ കച്ചവടത്തിൽ 50% കുട്ടികൾക്ക് 1ലക്ഷം ഇളവുണ്ട് എന്ന കാര്യം അത്ര ചെറിയ കാര്യമാണോ ?

b. 10 % സീറ്റില്‍ അര്‍ഹരായ പാവപ്പെട്ട വിദ്യാര്‍ത്ഥികള്‍ക്ക് സൗജന്യ പഠനം
ആരായിരിക്കും ഈ അർഹരായ പാവപ്പെട്ട വിദ്യാർത്ഥികൾ, അതിൽ എത്രപിന്നോക്ക സമുദായക്കാർ കാണും ഈ സീറ്റിലേയ്ക്ക് ഒരു പാതിരിയുടെ ശിപാർശകത്തില്ലാതെ അഡ്മിഷൻ കൊടുക്കുമോ? എത്രകുട്ടികൾക്ക് ഈ ബോംബെ മിഠായിയുടെ ഗുണം കിട്ടും. ആർക്കും ഈവക കാര്യങ്ങളിൽ ഉറപ്പൊന്നുമില്ല.
c. പരീക്ഷ : സര്‍ക്കാര്‍ എന്ട്രന്‍സ് റാങ്ക് ലിസ്റ്റില്‍ നിന്ന് .
ആണെങ്കിൽ അംഗീകരിക്കുന്നു. മാഷിന് ഈ അടുത്ത കാലത്തു് ക്രൈസ്തവ മാനെജ്മെന്റിന്റെ കീഴിലുള്ള മെഡിക്കൽ കോളേജുകളിൽ അർഹത ഇല്ലാത്തവർക്ക് അഡ്മിഷൻ കൊടുത്തു എന്നുകണ്ടു ഇത് കേവലം അപവാദ പ്രചരണം മാത്രമാണോ ? അതോ മാഷിന്റെ ശ്രദ്ധയിൽ ഈ കാര്യം വന്നില്ലെ ? സീ എന്ന ഓപ്ഷനിലെ വാഗ്ധാനം എത്രമാത്രം സത്യസന്ധമാണ്

മാഷിന്റെ നിലപാട്‌ (എന്റെ നിലപാട്...)
ഇവിടെ സാജൻ മാഷിന് കാര്യങ്ങൾ മനസ്സിലാക്കാൻ കുറച്ചുകൂടെ പിന്നോട്ട് നടക്കേണ്ടി വരും ആന്റപ്പന്റെ ആടുത്തുവരെ, ആന്റപ്പൻ പറഞ്ഞത് സത്യാമാണെങ്കിൽ ഇടയ്ന്മാർ കള്ളം പറയുകയും, സർക്കാരിനെയും സമൂഹത്തെയും പറ്റിക്കുകയും ചെയ്തു, അതുതന്നെ ബേബിക്കും പറ്റി തമാശക്കഥകളിൽ എവിടെയോ കേട്ടിരുന്നു ഒരു കപ്പ്യാർ പാതിരിയോട് തന്റെ ആവശ്യത്തെകുറിച്ച് പറയുന്നത് അതിനെ പാതിരി എങ്ങനെ നേരിട്ടു എന്നും “ ഉള്ളവൻ ഇല്ലാത്തവന് കൊടുക്കണം“ എന്ന് കപ്പ്യാർ പറഞ്ഞപ്പോൾ അത് തനിക്കിട്ട് ആക്കിയതാണെന്ന് മനസ്സിലാക്കിയ പാതിരി ഇങ്ങനെ പ്രതികരിച്ചു
“ അന്യന്റെ മുതൽ ആഗ്രഹിക്കരുത്!!!!“ രണ്ടും വെദവാക്യം ആയതിനാൽ കമറ്റാൻ പറ്റില്ലല്ലോ മാഷെ…… ഇതുപോലൊക്കെ തന്നെ ആണ് ശ്വാശ്രയത്തിലും സംഭവിച്ചത്. കോൺഗ്രസ്സ് ഏതെങ്കിലും കാലത്ത് ഏതെങ്കിലും കാര്യം ചെയ്യേണ്ട രീതിയിൽ ചെയ്തിട്ടുണ്ടോ…? ചരിത്രം സാക്ഷി.

പിന്നെ കോടതിയിൽ നീതി മാത്രമേ ജയിക്കു എന്ന് പറയാൻ പറ്റുമോ മാഷേ, അലഹബാദ് ഹൈക്കോടതിയിൽ നിന്നും A.P.J.അബ്ദുൾകലാമിനെതിരെ അറസ്റ്റ് വാറണ്ടിന് 50000 രൂപയെ ചിലവായൊള്ളു, ഇന്ത്യൻ പൌരന് കുടിവെള്ളമല്ല കോളയാണ് ജീവൻ നിലനിർത്താൻ ആവശ്യമെന്ന് വിധിച്ച ഭരണഘടന സംവിധാനമാണ് നമ്മുടെ ചില കോടതികൾ…, പിന്നെ അതൊക്കെ വിട്. മാഷിനറിയാമോ, പണ്ട് ഇന്ത്യയിൽ നിന്നും കയറ്റി അയച്ച പട്ട്പാവാടയ്ക്ക് അമേരിക്കയിൽ നിരോധനം ഏർപ്പെടുത്തി അവർ കാരണം പറഞ്ഞത് പട്ട് പാവടയിൽ തീ പടരാൻ സാധ്യതയുള്ളതിനാൽ ഈ വസ്ത്രത്തിന്റെ ഇറക്കുമതി അനുവദനീയമല്ല എന്നാണ്. രാജ്യത്തെ പൌരന്മാരുടെ ജീവന് പ്രാധാന്യം നൽകുന്നതിനാൽ ഇത് നിരോധിക്കുയല്ലാതെ കോടതിക്കുമുന്നിൽ മറ്റ് മാർഗ്ഗങ്ങൾ ഒന്നുമില്ലായിരുന്നു. ഇവിടെ പ്ലാച്ചിമടയിൽ ജീവജലം ഊറ്റി വിഷമാലിന്യങ്ങൾ കലർത്തി കുപ്പിയിലാക്കി നമ്മളെ കൊണ്ട് കുടിപ്പിക്കാൻ നമ്മുടെ കോടതി മുൻകൈഎടുക്കുന്നു എത്ര ശാസ്ത്രീയമായ കാഴ്ച്ചപ്പടുകൾ.! കഷ്ടം….

പാഠപുസ്തക വിവാദം
ഇതേക്കുറിച്ച് നേരത്തെ എന്റെ കാഴ്ച്ചപ്പട് ഞാൻ എഴുതിയിട്ടുണ്ട് അതുകൊണ്ട് അതിനെ കുറിച്ച് പറയുന്നില്ല, പിന്നെ സാജൻ പറഞ്ഞപോലെ 1, 2, 3 കാര്യങ്ങൾ ചിന്തിക്കാവുന്നതാണ്..........എല്ലാവർക്കും